Hövzə Xəbər Agentliyinin Sənəndəc müxbirinin  verdiyi məlumata görə: Sənəndəc şəhərinin cümə imamı, Mamusta Fayiq Rüstəmi, bu gün Kürdüstan vilayəti Qurani-Kərim İnkişaf Şurasının iclasında bildirib: Şükürlər olsun ki, bu günə qədər din alimləri və ruhanilər Qurani-Kərimin etibarlı qoruyucuları olublar.

Cümə imamı əlavə edib ki, biz hamımız bu alimlərə və Quran fəaliyyətilə məşğul olanlara minnətdar olmalı, onların problemlərinin həllinə çalışmalı və beləliklə, Qurana daha yaxşı xidmət etmələrinə imkan yaratmalıyıq.

Ekspertlər Məclisinin Kürdüstan nümayəndəsi də vurğulayıb ki, Qurani-Kərim bütün insanlar və həyatın bütün sahələri üçün əhatəli bir kitabdır, hər sualın və cavabın öz yerini bu müqəddəs kitabda tapmaq mümkündür.

Cümə imamı qeyd edib ki, Qurani-Kərim həm dini, həm sosial, həm mədəni, həm siyasi, həm də müdafiəvi bir kitabdır, buna görə də onu diqqətlə öyrənmək çox böyük dərslər verir.

O, həmçinin xatırladıb ki, Kürdüstan vilayətində Qurani sahəsində bir çox alim və düşüncə adamları fəaliyyət göstərir və bunu İslam Respublikasının bir neməti hesab etmək lazımdır.

Xəbərin sonu